Ýük gatnawy üçin logistika merkeziniň internet saýdy we şahsy otagyndan peýdalanmak üçin, kompýuterden girmegiňizi haýyş edýäris.
Demir ýol kodyna ozal eýe bolan taraplaryň täzeden hasaba durmagy ýa-da töleg etmegi talap edilmeýär. Ulgamdan we şahsy otag aýratynlygyndan peýdalanmak üçin Ýük gatnawlary bölümine ýüz tutup bilersiňiz. Goşmaça soraglar boýunça, saýdymyzyň “Tehniki goldaw” sahypasyndaky telefon belgileri bilen jaňlaşmagyňyzy haýyş edýäris.
Türkmenistanyň çägindäki demir ýol stansiýalardan ýük iberýän we ýük kabul edýän döwlet we hususy eýeçilige degişli edara kärhanalardan we telekeçilerden demir ýol kody talap edilýär.
Halkara ýük gatnawlary amala aşyrylanda bolsa, Türkmenistanyň çäginde demir ýol hyzmatyndan peýdalanýan taraplardan töleýji hökmünde çykyş edýän tarapdan demir ýol kody talap edilýär.
Demir ýol koduny almak isleýän daşary ýurt kompaniýalaryň Türkmenistanyň çäginde resmi şahamçalarynyň bolmagy zerurlykdyr.
Tranzit ýük gatnawlarynda demir ýol hyzmatlarynyň tölegini amala aşyrmak üçin ýörite kod we töleg fakturasy taýýarlanylýar. Tranzit ýükleriň töleýjilerinden demir ýol kody talap edilmeýär.
Demir ýol koduny almagyň tölegi:
Ýerli taraplar üçin GBÜS hasaba almak bilen 5812,04 TMT; Daşary ýurt taraplar üçin bolsa GBÜS hasaba almak bilen 1660,58 USD
Telekçiler we edara-kärhanalar zerur bolan resminamalary ulgama girizenden soňra, demir ýol koduny almagyň töleg hasap fakturasy awtomatiki usulda taýýarlanylar we ýükläp almana mümkinçilik dörediler.
Ýüklenip alynan hasap fakturany milli walýutada Türkmenistanyň banklarynda töleg edip we amala aşyrylan töleg tabşyrygyň göçürmesini ulgam arkaly bize ugradyp bilersiňiz. Tölegiňiz we resminamalaryňyz barlanandan soňra demir ýol koduňyz size beriler. Eger-de "Altyn asyr" plastik kartlaryny ulanýan bolsaňyz, töleg kartyňyz bilen "Şahsy otagdan" onlaýn görnüşde tölegleri geçirip bilersiňiz.
Döwlete degişli däl edara-kärhanalar üçin:
Telekeçiler üçin:
